ដំណើរទស្សនកិច្ចរបស់នាយករដ្ឋមន្ត្រីកម្ពុជាទៅសហរដ្ឋអាមេរិកបានឆ្លុះបញ្ចាំងឲ្យឃើញពីទំនាក់ទំនងកាន់តែរឹងមាំរវាងប្រទេសទាំងពីរ ជាពិសេសនៅពេលដែលភាគីទាំងពីរមានផលប្រយោជន៍រួមកាន់តែច្រើន។
នេះត្រូវបានលើកឡើងដោយឯកឧត្តម Jean-Francois Tain រដ្ឋមន្រ្តីប្រតិភូអមនាយករដ្ឋមន្រ្តីទទួលបន្ទុកកិច្ចការបរទេស និងសហប្រតិបតិបត្ដិការអន្ដរជាតិថ្លែងក្នុងសន្និសីទសារព័ត៌មាននៅព្រលានយន្តអន្តរជាតិភ្នំពេញស្តីពីលទ្ធផលនៃការចូលរួមរបស់ឯកឧត្តមបណ្ឌិត ហ៊ុន ម៉ាណែត នាយករដ្ឋមន្រ្តីក្នុងកិច្ចពិភាក្សាទូទៅរបស់សម័យប្រជុំលើកទី ៧៨ នៃមហាសន្និបាតអង្គការសហប្រជាជាតិនៅទីក្រុងញូវយ៉ក។
ឯកឧត្តមរដ្ឋមន្រ្តីប្រតិភូរដ្ឋមន្ត្រីបានបន្ថែមថា “«ទំនាក់ទំនងកម្ពុជា-អាមេរិក នឹងរឹតតែរឹងមាំាខ្លាំងឡើយបើសិនកម្ពុជា និងអាម៉េរិកផ្តល់ប្រយោជន៍រួមគ្នាកាន់តែធំ និងមានផលប្រយោជន៍កាន់តែច្រើន ទោះជាផលប្រយោជន៍សេដ្ឋកិច្ច នយោបាយ ឬភូមិសាស្ត្រានយោបាយក្តី»។
ឯកឧត្តមក៏បានរំលឹកថា ក្នុងជំនួបរបស់ថ្នាក់ដឹកនាំនៅទីក្រុងញូវយ៉ក កាលពីថ្ងៃទី២២ ខែកញ្ញា ឆ្នាំ២០២៣ នាយករដ្ឋមន្ត្រីកម្ពុជា និងលោកស្រី Victoria Nuland អនុរដ្ឋមន្ត្រីការបរទេសស្ដីទីសហរដ្ឋអាមេរិកបានលើកឡើងពីចំណងមិត្តភាពដ៏ល្អប្រសើររវាងប្រទេសទាំងពីរ។
ឯកឧត្តមបានបន្តថា “«យើងមិនទាន់និយាយពីវិធីនិងមធ្យោបាយដើម្បីឱ្យប្រទេសទាំងពីរចាប់ដៃគ្នាឱ្យជាប់ដើរតាមទិសដៅតែមួយនោះទេ ប៉ុន្តែខ្ញុំយល់ឃើញថាយើងគូរតែមានសុទ្ធិដ្ឋិនិយមរវាងកម្ពុជា និងអាម៉េរិកក្នុងចាប់ដៃរលាក់ជាមួយគ្នាផលប្រយោជន៍រួមគ្នាលើសេដ្ឋកិច្ច ឬភូមិសាស្ត្រនយោបាយ»។
ឯកឧត្តមបានឱ្យដឹងទៀតថា មកដល់ពេលនេះកម្ពុជា និងអាមេរិកបានមើលឃើញថា មានប្រយោជន៍មួយចំនួនផងដែរ ដូចជាទំនាក់ទំនងពាណិជ្ជកម្ម និងវិនិយោគ។ ជាក់ស្តែងនៅឆ្នាំ២០២២ កន្លងមក ទំហំពាណិជ្ជកម្មកម្ពុជា និង អាមេរិកមានប្រមាណ១៣,៥ប៊ីលានដុល្លារអាមេរិក។ តួលេខនេះគឺជាកត្តាមួយដែលមានសក្តានុពលសម្រាប់ទំនាក់ទំនងកាន់តែរឹងមាំរវាងកម្ពុជានិងសហរដ្ឋអាមេរិក។
ឯកឧត្តមបានអះអាងបន្ថែមថា ចាប់ពីពេលនេះតទៅ កម្ពុជា ត្រូវធ្វើការទំនាក់ទំនងជាមួយប្រទេសមហាអំណាចមួយនេះគឺធ្វើយ៉ាងណាចាប់យកការធ្វើវិនិយោគឱ្យមកបណ្តាក់ទុនរកស៊ីនៅកម្ពុជាកាន់តែច្រើន។ C. Nika – AKP