ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី២៤ ខែសីហានេះ បានអញ្ជើញជាអធិបតីក្នុងកិច្ចប្រជុំពេញអង្គគណៈរដ្ឋមន្ដ្រី លើកដំបូង នីតិកាលទី៧ នៃរដ្ឋសភា ជាមួយនឹងការអនុម័តជាផ្លូវការនូវយុទ្ធសាស្ត្របញ្ចកោណដំណាក់កាលទី១ របស់រដ្ឋាភិបាលថ្មី។
របៀបវារៈសំខាន់ៗរួមមានសេចក្តីព្រាងច្បាប់ផ្លាស់ប្តូរឈ្មោះក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ទៅជាក្រសួងអធិការកិច្ច ការពិនិត្យ និងសម្រេចលើសេចក្តីព្រាងច្បាប់ ស្ដីពីការបង្កើត រដ្ឋលេខាធិការដ្ឋានកិច្ចការព្រំដែន និងអំពីរបៀបរបបការងារ រដ្ឋាភិបាលអាណត្តិទី៧។
យុទ្ធសាស្រ្តបញ្ចកោណសំខាន់ៗចំនួនប្រាំគឺ កំណើនសេដ្ឋកិច្ច ការបង្កើតការងារ សមធម៌ ប្រសិទ្ធភាព និងនិរន្តរភាព។
ឯកឧត្តមបណ្ឌិតបានមានប្រសាសន៍ថា យុទ្ធសាស្ត្រនេះដើរតួជាផែនទីបង្ហាញផ្លូវដើម្បីសម្រេចបានចក្ខុវិស័យរបស់ព្រះរាជាណាចក្រកម្ពុជាក្នុងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានចំណូលខ្ពស់នៅឆ្នាំ២០៥០។
ដើម្បីសម្រេចបាននូវគោលដៅយុទ្ធសាស្ត្រទាំងប្រាំ រដ្ឋាភិបាលកម្ពុជាបានកំណត់អាទិភាពស្នូលចំនួនប្រាំនៃ “យុទ្ធសាស្ត្របញ្ចកោណដំណាក់កាលទី១” រួមមានអភិវឌ្ឍន៍ធនធានមនុស្ស ផ្លូវថ្នល់ ទឹក អគ្គិសនី និងបច្ចេកវិទ្យា។
ឯកឧត្តមបណ្ឌិត បានគូសបញ្ជាក់ពីអាទិភាពចំនួនប្រាំមួយ ដែលនឹងអនុវត្តចាប់ពីឆ្នាំ២០២៣រួមទាំងការពង្រីកសេវាថែទាំសុខភាពឆ្ពោះទៅសម្រេចបាននូវការផ្តល់សេវាសុខភាពជាសកល ផ្តល់ការបណ្តុះបណ្តាលវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងងាយរងគ្រោះទូទាំងប្រទេស ក៏ដូចជាបង្កើតកម្មវិធីគាំពាសង្គមជាតិសម្រាប់គ្រួសារក្រីក្រ ជនងាយរងគ្រោះ និងគ្រួសារដែលមានហានិភ័យដាក់ចេញយន្តការសម្របសម្រួល និងកម្មវិធីហិរញ្ញប្បទាននិងដាក់ពង្រាយមន្ត្រីបច្ចេកទេសកសិកម្មនៅគ្រប់ឃុំ។
VNA