ឯកឧត្តមបណ្ឌិត ហ៊ុន ម៉ាណែត បានផ្ញើសារនយោបាយសំខាន់ៗចំនួន៣ ទៅកាន់សហគមន៍អន្តរជាតិ ក្នុងឱកាសចូលរួមកិច្ចពិភាក្សាទូទៅនៃសម័យប្រជុំលើកទី៧៨ នៃមហាសន្និបាតអង្គការសហប្រជាជាតិ នៅទីក្រុងញូវយ៉ក។
ឯកឧត្តម Jean-François Tan រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការបរទេស និងសហប្រតិបត្តិការអន្តរជាតិបានលើកឡើងអំពីសារសំខាន់ៗចំនួនបីធ្វើឲ្យសហគមន៍អន្តរជាតិយល់កាន់តែច្បាស់ពីជំហរអព្យាក្រឹត និងឯករាជ្យរបស់កម្ពុជានៅលើឆាកអន្តរជាតិនៅក្នុងអំឡុងសន្និសីទសារព័ត៌មាននៅអាកាសយានដ្ឋានអន្តរជាតិភ្នំពេញ បន្ទាប់ពីនាយករដ្ឋមន្ត្រី និងភរិយារបស់លោកអញ្ជើញត្រឡប់មកពីទីក្រុងញូវយ៉កវិញ។
យោងតាមឯកឧត្តមរដ្ឋមន្រ្តីប្រតិភូរ សារទាំងនោះរួមមាន ទី១ កម្ពុជា ដូចប្រទេសដទៃទៀតក្នុងពិភពលោក តែងតែលើកតម្កើង និងប្រកាន់ខ្ជាប់នូវផលប្រយោជន៍ជាតិ។ ទី២ កម្ពុជាពង្រឹងចំណងមិត្តភាពដែលមានស្រាប់ និងកសាងមិត្តភាពថ្មីបន្ថែមទៀត និងទី៣ សំខាន់បំផុត កម្ពុជាមិនអនុញ្ញាតឱ្យមានមូលដ្ឋានយោធាបរទេសលើទឹកដីកម្ពុជាឡើយ ដូចដែលមានចែងនៅក្នុងរដ្ឋធម្មនុញ្ញ។
ដូច្នេះ ឯកឧត្តមរដ្ឋមន្រ្តីប្រតិភូបានគូសបញ្ជាក់ថា ការចោទប្រកាន់ជុំវិញមូលដ្ឋានយោធារាម អស់រយៈពេលជាច្រើនឆ្នាំគួរតែបញ្ចប់ ព្រោះកម្ពុជាបានប្រកាសប្រាប់ពិភពលោករួចហើយនូវជំហរអព្យាក្រឹត និងឯករាជ្យរបស់ខ្លួន ដោយពិភពលោកទាំងមូលបានធ្វើជាសាក្សី។ C. Nika – AKP