រយៈពេល១០ថ្ងៃដំបូងនៃយុទ្ធនាការឃោសនារកសំឡេងឆ្នោតនៅកម្ពុជា អាណត្តិទី៧ បានប្រព្រឹត្តទៅយ៉ាងរលូន។

បច្ចុប្បន្នភាពនេះត្រូវបានចែករំលែកនៅក្នុងសេចក្តីប្រកាសព័ត៌មានកាលពីថ្ងៃទី១១ ខែកក្កដា ដោយគណៈកម្មាធិការជាតិរៀបចំការបោះឆ្នោតកម្ពុជា (គ.ជ.ប) បន្ទាប់ពីកិច្ចប្រជុំត្រួតពិនិត្យដែលដឹកនាំដោយ លោក ហែល សារ៉ាត់។

គណបក្សនយោបាយនានាកំពុងដំណើរការយុទ្ធនាការដោយសន្តិវិធី ដែលរួមមានការជួបជុំជាមួយអ្នកគាំទ្រ ការចុះសួរសុខទុក្ខតាមខ្នងផ្ទះ ការប្រគំតន្ត្រី ការបញ្ចាំងវីដេអូ និងកម្រងព័ត៌មាននៅលើប្រព័ន្ធផ្សព្វផ្សាយសង្គម។

គ.ជ.ប ក៏​បាន​ធានា​នូវ​ពេល​វេលា​ស្មើ​គ្នា​សម្រាប់​គណបក្ស​នយោបាយ​ទាំង​អស់​ដើម្បី​ផ្សព្វផ្សាយ​កម្មវិធី​នយោបាយ​របស់​ខ្លួន​តាម​វិទ្យុ និង​ទូរទស្សន៍​របស់​រដ្ឋ។

យោងតាម​សេចក្តី​ប្រកាសព័ត៌មានបានឱ្យដឹងថា គណបក្ស​ចំនួន​១៥​ក្នុង​ចំណោម​១៨​គណបក្ស​ដែល​ចូល​រួម​បាន​រៀបចំ​ក្បួន​ដង្ហែ​ទ្រង់ទ្រាយ​ធំ។

ក្នុងរយៈពេល១០ថ្ងៃដំបូងនៃយុទ្ធនាការឃោសនាបោះឆ្នោត មានតែបណ្តឹងចំនួនពីរប៉ុណ្ណោះដែលត្រូវបានប្តឹងនៅក្នុងខេត្តបន្ទាយមានជ័យ និងរាជធានីភ្នំពេញ ហើយបណ្តឹងទាំងនោះត្រូវបានដោះស្រាយ។ AKP-លឹម ណារី