របាយការណ៍របស់ធនាគារជាតិនៃកម្ពុជាបានអោយដឹងកាលពីថ្ងៃចន្ទថា ទុនបម្រុងអន្តរជាតិរបស់កម្ពុជាបានកើនឡើងដល់ ១៨.៤ ពាន់លានដុល្លារគិតត្រឹមខែមិថុនា ឆ្នាំ២០២៣ ដែលកើនឡើង ៣.២ ភាគរយពីចំនួន ១៧.៨២ ពាន់លានដុល្លារកាលពីចុងឆ្នាំ២០២២ ។
ទុនបំរុងអន្តរជាតិដែលត្រូវបានតម្កល់នៅធនាគារជាតិកម្ពុជា រួមមានរូបិយប័ណ្ណបរទេស មាស Special Drawing Rights (SDRs)។
របាយការណ៍ដែលចេញផ្សាយបន្ទាប់ពីកិច្ចប្រជុំប្រចាំឆ្នាំរបស់ធនាគារបានលើកឡើងទៀតថា “ទុនបម្រុងអន្តរជាតិអាចធានាដល់ការនាំចូលទំនិញ និងសេវាកម្មសម្រាប់រយៈពេល៧ខែបន្ទាប់” ។
ថ្លែងនៅក្នុងកិច្ចប្រជុំនេះ លោក គីមទី កោមលី អគ្គនាយកធនាគារជាតិនៃកម្ពុជា បាននិយាយថា សេដ្ឋកិច្ចរបស់កម្ពុជាត្រូវបានព្យាករណ៍ថានឹងកើនឡើង ៥.៦ ភាគរយនៅឆ្នាំ២០២៣ កើនឡើងពី ៥.២ ភាគរយនៅឆ្នាំ ២០២២ដែលជំរុញដោយការនាំចេញសម្លៀកបំពាក់ និងផលិតផលមិនមែនកាត់ដេរ ការងើបឡើងវិញយ៉ាងឆាប់រហ័សក្នុងវិស័យទេសចរណ៍ កសិកម្ម វិស័យសំណង់ និងអចលនទ្រព្យ។
លោកបានបន្ថែមថា អត្រាអតិផរណារបានធ្លាក់ចុះមកត្រឹម ១.២ ភាគរយនៅក្នុងឆមាសទី១នៃឆ្នាំនេះពី ៤.១ ភាគរយនៅក្នុងឆមាសទី២នៃឆ្នាំមុន។ Xinhua