រដ្ឋាភិបាលបានទាញចំណូលអាករលើតម្លៃបន្ថែមចំនួនជាង ៣៤លានដុល្លារ គិតក្នុងឆ្នាំ២០២២ មកទល់ជាងពាក់កណ្ដាលឆ្នាំ២០២៣នេះ។
យោងតាមទិន្នន័យដែលបង្ហាញដោយ លោក ហ៊ុន សែន អតីតនាយករដ្ឋមន្រ្តីកម្ពុជា បានឱ្យដឹងនៅថ្ងៃទី៣ ខែកញ្ញា ឆ្នាំ២០២៣នេះថា រដ្ឋាភិបាល ទទួលបានចំណូលអាករលើតម្លៃបន្ថែមចំនួន១០% ពីក្រុមហ៊ុន META ( Facebook )។
តាមទិន្នន័យដដែលបានបង្ហាញទៀតថា កាលពីឆ្នាំ២០២២ ចំណូលអាករលើតម្លៃបន្ថែម ដែលកម្ពុជាទទួលបានពីក្រុមហ៊ុន META ( Facebook )មានចំនួនជាង២០លានដុល្លារ ហើយនៅគិតមកទល់ជាងពាក់កណ្ដាលឆ្នាំ២០២៣នេះ ទទួលបានចំណូលអាករលើតម្លៃបន្ថែមចំនួនជាង១៣លានដុល្លារផងដែរ។
លោក ហ៊ុន សែន អតីតនាយករដ្ឋមន្រ្តីកម្ពុជា បានសង្ឃឹមថា ក្រុមហ៊ុន META ( Facebook ) នឹងទទួលបានប្រាក់ចំណេញលើស២០០លានដុល្លារ ក្នុងមួយឆ្នាំនៅកម្ពុជា ឯរាជរដ្ឋាភិបាលទទួលបាន១០% ដែលមានទឹកប្រាក់លើស២០លានដុល្លារក្នុងមួយឆ្នាំ។
លោក ឆាយ ជាហេង អនុប្រធាននាយដ្ឋានគ្រប់គ្រងអ្នកជាប់ពន្ធធំនៃអគ្គនាយកដ្ឋានពន្ធដារមានប្រសាសន៍នៅក្នុងសិក្ខាសាលាអនឡាញស្តីពីច្បាប់ថ្មីរបស់កម្ពុជាកាលពីចុងខែសីហាថា មាត្រា ៥៨ នៃច្បាប់នេះរួមបញ្ចូលទាំងអ្នកមិនរស់នៅដែលផ្គត់ផ្គង់សេវាឌីជីថលរបស់ពួកគេនៅក្នុងប្រទេសកម្ពុជាតម្រូវឱ្យចុះឈ្មោះ និងបង់ប្រាក់។ VAT សាមញ្ញទៅ GDT បន្ទាប់ពីច្បាប់ចាស់មិនបានចែងអំពីករណីនេះទេ។
អគ្គនាយកនៃអគ្គនាយកដ្ឋានពន្ធដារ លោក គង់ វិបុល មានប្រសាសន៍ថា លទ្ធផលរយៈពេលប្រាំពីរខែបានអនុញ្ញាតឱ្យ GDT រំពឹងថាខ្លួននឹងសម្រេចបាននូវគោលដៅប្រមូលចំណូលពន្ធសម្រាប់រដ្ឋាភិបាលក្នុងឆ្នាំ ២០២៣ ខណៈដែលការប្រមូលចំណូលពន្ធក្នុងវិស័យពាណិជ្ជកម្មអេឡិចត្រូនិកសម្រេចបានប្រហែល ៤៦,១២ លានដុល្លារក្នុងរយៈពេលប្រាំពីរខែដំបូងនៃឆ្នាំនេះ។
លោកមានប្រសាសន៍ថា៖ « ភាពមិនប្រាកដប្រជាលើសាកល និង ការផ្លាស់ប្តូរសេដ្ឋកិច្ឋសាកលដោយសារធ្លាក់ចុះសេដ្ឋកិច្ចពិភពលោក និង វិបត្តិសង្រ្គាមរវាងរុស្សី និង អ៊ុយក្រែនបានបង្កើតឲ្យមានភាពប្រថុយប្រថានទៅក្នុងសេដ្ឋកិច្ចដែលជាប្រភពចម្បងនៃសេដ្ឋកិច្ចដែលជាប្រភពសំខាន់នៃលំហូរវិនិយោគមកកម្ពុជា និងការកើនឡើងអតិផរណាអាចប៉ះពាល់ដល់ការប្រមូលចំណូលពន្ធតាមគោលដៅដែលបានកំណត់ក្នុងច្បាប់ »៕
ប្រែសម្រួលដោយ៖ សុ ជាតា