យោងតាមរបាយការណ៍របស់ក្រសួងទេសចរណ៍ដែលបានចេញផ្សាយកាលពីថ្ងៃពុធបានអោយដឹងថា កម្ពុជាទទួលបានភ្ញៀវទេសចរអន្តរជាតិចំនួន ៣,០៣៧,៣៤៤ នាក់ក្នុងរយៈពេល៧ខែដំបូងនៃឆ្នាំ២០២៣ ដែលជាការកើនឡើងគួរឱ្យកត់សម្គាល់ពីចំនួន៣០៨ ភាគរយ ឬស្មើនឹង៧៤៣,៤៥៩នាក់ ក្នុងរយៈពេលដូចគ្នាកាលពីឆ្នាំមុន។
របាយការណ៍បានបន្តថា ប្រទេសថៃបានឈរលើកំពូលតារាងក្នុងចំណោមភ្ញៀវអន្តរជាតិដែលមកកម្សាន្តនៅកម្ពុជា ក្នុងអំឡុងខែមករាដល់ខែកក្កដាឆ្នាំនេះ បន្ទាប់មកមានប្រទេសវៀតណាម និងចិន។
ប្រភពដដែលបានអោយដឹងថា ភ្ញៀវទេសចរអន្តរជាតិចំនួន ១,០៦៥,២៣៣ នាក់បានមកទស្សនាប្រទេសកម្ពុជាតាមផ្លូវអាកាស កើនឡើង ២៣៧ ភាគរយ ផ្លូវគោក ១,៩៧២,១១១ នាក់ និងផ្លូវទឹកកើនឡើង ៣៦២ភាគរយ។
ឯកឧត្តម ថោង ខុន រដ្ឋមន្ត្រីក្រសួងទេសចរណ៍បាននិយាយថា “ផ្អែកលើតួលេខនេះ កម្ពុជារំពឹងថានឹងទាក់ទាញភ្ញៀវទេសចរអន្តរជាតិយ៉ាងតិច ៥ លាននាក់នៅឆ្នាំ ២០២៣” ដោយកត់សម្គាល់ថា កម្ពុជាទទួលបានភ្ញៀវទេសចរអន្តរជាតិត្រឹមតែ ២,២៧ លាននាក់ក្នុងឆ្នាំ ២០២២។ Xinhua