ବିହାର ୦୨/୦୨: ବିହାରର ନାଳନ୍ଦାରେ ଘଟିଛି ଅଜବ ଘଟଣା । ପରୀକ୍ଷା ସେଣ୍ଟରରେ ବେହୋସ ହୋଇଗଲେ ଛାତ୍ର । ସରିଫ ଅଲ୍ଲାମା ଇକବାଲ କଲେଜରେ ଘଟିଛି ଏହି ଘଟଣା । ଏଠାରେ ମନୀଷ ନାମକ ଛାତ୍ର ପରୀକ୍ଷା ଦେବାକୁ ଯାଇ ହୋଇପଡିଥିଲେ ଚେତାଶୂନ୍ୟ ।
ଏତେ ସଂଖ୍ୟକ ଛାତ୍ରୀଙ୍କ ଭିତରେ ନିଜକୁ ଏକୁଟିଆ ପାଇ ଉଡିଯାଇଥିଲା ତାଙ୍କ ହୋସ୍ । କାରଣ ସେଠାରେ ତାଙ୍କୁ ଛାଡି ଅନ୍ୟ କୌଣସି ଛାତ୍ର ନଥିଲେ । ତୁରନ୍ତ ତାଙ୍କୁ ଅଣାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ସୂଚନା ଥାଉକି, ଛାତ୍ର ମନୀଷ ଶଙ୍କରଙ୍କର ଇଣ୍ଟର ପରୀକ୍ଷା ସେଣ୍ଟର ବ୍ରିଲିୟନ୍ ସ୍କୁଲରେ ପଡିଥିଲା । ମନୀଷ ପରୀକ୍ଷା ଦେବାକୁ ପହଞ୍ଚିଥିଲେ । ହେଲେ ସେଠାରେ ତାଙ୍କ ଛଡା ଦ୍ୱିତୀୟ ଛାତ୍ରଟିଏ ସେଠାରେ ନଥିଲେ । ସେଠାରେ ପାଖାପାଖି ୫୦୦ ଛାତ୍ରୀ ପରୀକ୍ଷା ଦେବାକୁ ଆସିଥିଲେ ।
ଏତେ ସଂଖ୍ୟକ ଛାତ୍ରୀଙ୍କ ଭିତରେ ନିଜକୁ ଏକା ପାଇ ଚିନ୍ତାରେ ପଡିଯାଇଥିଲା ମନୀଷ । କଣ କଣ କରିବେ ଭାବି ଭାବେ ହୋଇପଡିଥିଲେ ସଂଜ୍ଞାହୀନ । ତାଙ୍କ ଅବସ୍ଥା ଏମିତି ହୋଇଥିଲା ଯେ, ତାଙ୍କୁ ସଂଗେ ସଂଗେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ସେ ସୁସ୍ଥ ଥିବା ଜଣାପଡିଛି ।
