76-ე სასწავლო-კვლევითი კონფერენცია
ნაშრომების მიღება დასრულებულია
კონფერენციის შესახებ
ა(ა)იპ მოსწავლე-ახალგაზრდობის ეროვნული სასახლე , შესაბამისი პარტნიორი ორგანიზაციების მხარდაჭერით, მდგრადი განვითარების მიზნების მიღწევის ხელშეწყობისა და თანამედროვე გლობალური პრობლემური საკითხების გადაჭრისათვის, ასევე, არაფორმალური საგანმანათლებლო აქტივობებში ჩართულობის გაზრდის მიზნით, ატარებს სასწავლო-კვლევით კონფერენციას.
თარიღები და ვადები
- ნაშრომები მიიღება 13 თებერვლიდან 26 მარტის ჩათვლით;
- ნაშრომები შეფასდება 3 აპრილიდან 24 აპრილის ჩათვლით;
- ნაშრომების შედეგები გამოქვეყნდება არაუგვიანეს 1 მაისისა;
- აპელაცია მიიღება 1 მაისიდან 7 მაისის ჩათვლით;
- აპელაცია განიხილება და შედეგები გამოცხადდება არაუგვიანეს 12 მაისისა;
- გამარჯვებულები გამოვლინებიან და დაჯილდოვდებიან 20 მაისს;
ნაშრომთან დაკავშირებული მოთხოვნები
- ნაშრომი შესრულებული უნდა იყოს ქართულ ენაზე;
- პირველ ეტაპზე წარდგენილი ნაშრომის მოცულობა 5-15 გვერდი, A4 ფორმატი, ილუსტრაციების გარეშე, მხოლოდ PDF ფორმატში, შრიფტი: Sylfaen ან Calibri , ზომა: სათაური – 12, გამუქებული და სწორი; ნაშრომის ტექსტი – 11 და სწორი; სტრიქონებს შორის დაშორება – 1.5; სათაურსა და ტექსტს შორის დაშორება – 2 სტრიქონი; ტექსტის კიდეები გასწორებული ორივე მხარეს.
- სავალდებულოა ნაშრომს თან ერთვოდეს ბიბლიოგრაფია, (გამოყენებული მინიმუმ 2 წყარო).
- ნაშრომი უნდა ეხმიანებოდეს მდგრადი განვითარების 17 მიზნიდან ერთს მაინც.
- კონფერენციაზე წარდგენილ ნაშრომს შესაძლებელია ჰყავდეს ერთი ან ორი ავტორი. ორი ავტორის არსებობის შემთხვევაში, ნაშრომში გამოკვეთილი უნდა იყოს თითოეული ავტორის თანამონაწილეობის როლი.
კითხვების შემთხვევაში, გთხოვთ დაგვიკავშირდეთ:
ეროვნული სასახლის, პროექტებსა და პროგრამების სამსახური