Die maand is dit Paasnaweek en reg oor die wêreld is daar een fokus in elke Christen huis, die kruis van Jesus. Die absolute liefde wat God vir ons as mens het dat Hy Sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. Die kruis van God staan sentraal in die skrif omdat Jesus met sonde aan die kruis gedeel het, omdat Jesus die sonde van die wêreld op Hom geneem het en ons vryheid gekoop het met Sy kosbare bloed. Elke druppel bloed wat Hy betaal het, het vir iemand vryheid gebied. 

Maar elke kruisiging was dieselfde, die mens was gespot, gegesel, weggevoer en dan gekruisig sodat almal kan sien en almal kon wraak neem. Na die persoon dood is was sommiges in ’n grot neergelê en so het die familie getreur. Die persoon is dood en almal moes nou aanpas met die nuwe normaal van ’n afwesige familie lid. So was dit ook presies met Jesus, tot op die derde dag. 

Ons Redder en Here het die hele lewens siklus kom verander deur op te staan uit die dood uit. Die opstanding het als verander. In die Romeinse regering moes dit sekerlik deurmekaar gewees het. Klomp het gesien hoe Hy gekruisig is, neergelê is in ’n graf en het self gesien hoe die graf met ʼn groot klip verseël was. Drie dae na dit hoor hulle dat dieselfde Jesus nie meer dood is nie maar LEWE en in die volgende 40 dae moes hoor dat Hy aan mense verskyn. Sy dissipels was sekerlik ook deurmekaar, “moet ons treur, vrees of juig? Is dit ʼn beeld, droom of is Hy werklik hier?” Maak nie saak hoe hulle of die romeinse regering dit gevat of verstaan het nie, HY LEWE en is terug om Sy Koninkryk te vestig. 

Ons Koning lewe en heers met mag, liefde en krag. Sy opstanding het Sy almag bevestig en a.g.v. dit kan elkeen van ons wat saam Hom gesterf het, nou saam Hom lewe. 

Ek wil elkeen met die skrif in Romeine 4:25 bemoedig die maand wat sê  “HY wat oorgelewer was ter wille van ons misdade, is opgewek ter wille van ons regverdigmaking.” Die Engelse vertalings sê dit so mooi, “He was raised from the dead, to put us right with God ” Ons kan na die troon van geregtigheid toe gaan met vrymoedigheid omdat Jesus opgestaan het, Hy het ons regverdig deur Sy bloed en nou kan ons self met God praat, self verander word deur in Sy teenwoordigheid te wees en self te proe wie Hy is. 

Mag die vers jou denke en hart sny die maand soos jy voorberei vir Paasnaweek die jaar. Mag jy jouself ondersoek en vra, is ek reg met God? HY LEWE en het vir jou die voorreg gegee om vry te kan kom, het ek dit aanvaar en my lewe onder Sy heerskappy geplaas?

Mag ons geken word as Sy kinders, uitverkoop en vol liefde, honger en dors na geregtigheid, regverdigheid deur Sy bloed en aktief besig om Sy lig te skyn en Sy sout te wees. 

Baie liefde Andre

Daar het ʼn wonderwerk met my gebeur. Ek het vir ongeveer 10 jaar en langer gely aan rustelose bene sindroom, RLS en slaapapnee. (Beide hou mens uit die slaap uit) As ek nie my pille om 20h00 saans gedrink het nie, het ek eenvoudig nie geslaap nie, so ek het reminders op my foon, horlosie en rekenaar gehad wat my daagliks herinner het. Daar was pille aan my sleutels in ʼn spesiale houertjie gehou. 
 
Ek het een Woensdag (in week van gebed en vas) op die kerkgronde tydens gebed vir genesing uitgegaan. Daar was hande op my gelê en daar was vir my gebid vir genesing van my RLS en slaapanee. Ek het Woensdagaand nie my pille gedrink nie en die effek daarvan was soos 3 keer erger as normaal. Ek het niks geslaap nie en in die huis rondgedwaal soos ʼn beer met ʼn seer voet. HET AANHOU BID! Donderdagaand dieselfde en Vrydagaand weer.

Die vyand wou hê ek moes moed opgee. Hy het vir my "gesê "...drink net jou pilletjies dan is jou marteling verby.” Ek het die vyand bestraf en die bloed van Jesus oor my liggaam verklaar! 
Vrydagaand en tot nou toe nog, het ek geslaap soos ʼn babatjie sonder RLS en slaapapnee. 
 
EK IS GENEES VAN DIE LAS VAN SIEKTE !

Groete 
Len Dobie